CBSE 10వ తరగతి ఫలితాలు 2025 విడుదల తేదీ (CBSE Class 10th Result 2025 Date)  : తాజా అప్‌డేట్ ప్రకారం CBSE 10వ తరగతి ఫలితాలు 2025 (CBSE 10th Result 2025 Expected Date) మే నెలలో 2025 ఆన్‌లైన్‌లో విడుదల కానున్నాయి. ఫలితాలు విడుదలైన వెంటనే వార్షిక పరీక్షలు రాసిన విద్యార్థుల మార్క్‌షీట్‌లను అధికారిక వెబ్‌సైట్ నుంచి  డౌన్‌లోడ్ చేసుకోవచ్చు. ఫలితాలను విడుదల చేయడానికి CBSE బోర్డు కూడా సన్నాహాలు చేస్తుంది. CBSE పదో తరగతి పరీక్షలు ఫిబ్రవరి 12 నుంచి మార్చి 18, 2025వ తేదీ వరకు జరిగాయి. అయితే ప్రస్తుత అంచనాల మేరకు CBSE పదో తరగతి ఫలితాలు మే నెలలో విడుదలవుతాయి. మే నెలలో 12 నుంచి 15వ తేదీలోపు విడుదలయ్యే అవకాశం ఉంది. ఫలితాలు రిలీజ్ అయిన తర్వాత విద్యార్థులు ఆన్‌లైన్‌లోనే చెక్ చేసుకునే అవకాశం ఉంటుంది.

లేటెస్ట్: CBSE 12వ తరగతి పరీక్షా ఫలితాలు రిలీజ్ డేట్ 2025

CBSE 10వ తరగతి ఫలితాలను పొందడానికి విద్యార్థులు వారి లాగిన్ ఆధారాలను అందించాల్సి ఉంటుంది. అంటే విద్యార్థుల రోల్ నెంబర్, పుట్టిన తేదీ, అడ్మిషన్ కార్డ్ ID, సెక్యూరిటీ క్యాప్చా కోడ్‌లను ఎంటర్ చేయాల్సి ఉంటుంది. విద్యార్థులు తమ ఫలితాలను UMANG యాప్, DigiLocker, SMS ద్వారా తెలుసుకోవచ్చు. విద్యార్థుల స్కోర్ కార్డులో  పేరు, రోల్ నెంబర్, పుట్టిన తేదీ, గ్రేడ్‌లు, అన్ని సబ్జెక్టుల వివరాలు ఉంటాయి.

CBSE 10వ తరగతి ఫలితాలు 2025 డౌన్‌లోడ్ చేసుకోవడం ఎలా?

CBSE పదో తరగతి ఫలితాలు 2025 డౌన్‌లోడ్ చేసుకునే విధానం గురించి ఈ దిగువున అందించాం. అభ్యర్థులు వాటిని ఫాలో అవ్వొచ్చు.

• ముందుగా అభ్యర్థులు CBSE అధికారిక వెబ్‌సైట్‌లైన www.cbseresults.nic.in, www.cbse.nic.in, results.gov.inకు వెళ్లాలి.
• పరీక్ష రోల్ నెంబర్, స్కూల్ నెంబర్, సెంటర్ వివరాలతో పాటు అడ్మిట్ కార్డ్‌లో విద్యార్థుల ఐడీ నెంబర్‌ను నమోదు చేయాలి.
• CBSE పదో తరగతి ఫలితం 2025ను సబ్మిట్ చేసి డౌన్‌లోడ్ చేసుకోవాలి. ఆపై భవిష్యత్తు కోసం స్పష్టమైన కాపీని ప్రింట్ తీసుకోవాలి.

భారతదేశంలో సెంట్రల్ బోర్డ్ ఆఫ్ సెకండరీ ఎడ్యుకేషన్ (CBSE) అనేది ప్రభుత్వ, ప్రైవేట్ పాఠశాలలను పర్యవేక్షించే, నిర్వహించే ఒక జాతీయ విద్యా మండలి. భారతదేశంలో 26,000 కంటే ఎక్కువ పాఠశాలలు CBSEతో భాగస్వామ్యం అయి ఉన్నాయి. ప్రతి సంవత్సరం లక్షలాది మంది విద్యార్థులు పరీక్షలు రాస్తారు. CBSE 10వ తరగతి ఫలితం 2025ని CBSE తన అధికారిక వెబ్‌సైట్‌లో విడుదల చేసిన తర్వాత విద్యార్థులు చెక్ చేసుకోవచ్చు. ప్రస్తుతానికి CBSE 10th పరీక్ష ఫలితాల ప్రకటన తేదీపై అధికారిక ప్రకటన విడుదల కాలేదు.

ప్రతి సంవత్సరం వేలాది మంది విద్యార్థులకు పరీక్షలు నిర్వహించే సెంట్రల్ బోర్డ్ ఆఫ్ సెకండరీ ఎడ్యుకేషన్ నిర్వహించే 10వ. 12వ తరగతి పరీక్షలకు దాదాపు 42 లక్షల మంది విద్యార్థులు హాజరయ్యారు.

Keep visiting CollegeDekho for the latest Education News on entrance exams, board exams and admissions. You can also write to us at our email ID news@collegedekho.com.