NMMS 2025–26 ప్రభుత్వ పాఠశాల విద్యార్థులకు మెరిట్ స్కాలర్‌షిప్ వివరాలు విడుదల
ప్రభుత్వ పాఠశాలల్లో చదువుతున్న విద్యార్థులు NMMS ద్వారా సంవత్సరానికి రూ.12,000 స్కాలర్‌షిప్ పొందవచ్చు. దరఖాస్తు సమర్పించడానికి చివరి తేదీ అక్టోబర్ 06, 2025. NMMS గురించి పూర్తి వివరాలను ఇక్కడ చూడవచ్చు.
NMMS 2025 ఎలా దరఖాస్తు చేయాలి, అర్హతలు,ఎంపిక విధానము, పరీక్షా వివరాలు (NMMS 2025 How to Apply, Eligibility, Selection Process, Exam Details): కేంద్ర ప్రభుత్వం ప్రతిభావంతులైన, ఆర్థికంగా వెనుకబడిన విద్యార్థుల కోసం NMMS స్కాలర్ షిప్ అందిస్తోంది. ఇది ప్రభుత్వ పాఠశాలల్లో ఎనిమిదో తరగతి చదువుతున్న విద్యార్థులు తమ చదువును మానకుండా ఇంటర్‌ వరకు కొనసాగించేందుకు సహాయపడుతుంది. దరఖాస్తు చేసుకునే అర్హతలు, ప్రస్తుతం ఎనిమిదో తరగతి చదువుతున్న సాధారణ (OC/BC) విద్యార్థులు కనీసం 55% మార్కులు, SC/ST విద్యార్థులు కనీసం 50% మార్కులు సాధించాలి. తల్లిదండ్రుల వార్షిక ఆదాయం రూ.3.5 లక్షలలోపు ఉండాలి. పరీక్షా ఫీజు OC/BC విద్యార్థులకు రూ.100, SC/ST/Divyang విద్యార్థులకు రూ.50. పరీక్ష రెండు విభాగాలుగా ఉంటుంది. మానసిక సామర్థ్య పరీక్ష (90 మార్కులు) మరియు పాఠ్యాంశ పరీక్ష (90 మార్కులు). పరీక్షలో మంచి ప్రదర్శన చూపించిన విద్యార్థులు ఎంపిక అవుతారు మరియు ప్రతి ఏడాది రూ.12,000 చొప్పున నాలుగేళ్లపాటు స్కాలర్ షిప్ పొందుతారు, మొత్తం రూ.48,000 ప్రయోజనం ఉంటుంది.
NMMS 2025 ఎలా దరఖాస్తు చేసుకోవాలి (How to apply for NMMS 2025)
విద్యార్థులు NMMS 2025 స్కాలర్ షిప్ కోసం ఆన్‌లైన్ ద్వారా సులభంగా దరఖాస్తు చేసుకోవచ్చు.
- అభ్యర్థులు ముందుగా అధికారిక nmms.nic.in వెబ్‌సైట్‌కి వెళ్లాలి.
- ఆ తరువాత “NMMS 2025 Online Application” లింక్ పై క్లిక్ చేయాలి.
- హాల్ టికెట్ నంబర్, పుట్టిన తేదీ మరియు ఇతర వివరాలతో లాగిన్ అవ్వాలి.
- వ్యక్తిగత మరియు విద్యార్ధి వివరాలు నింపాలి.
- అవసరమైన పత్రాలను (ఆధార్, స్టడీ, ఆదాయం, కుల ధ్రువపత్రాలు) అప్‌లోడ్ చేయాలి.
- ఫీజు చెల్లించి ఆన్‌లైన్ ఫారం సమర్పించాలి.
- ఫారం సమర్పణ తర్వాత ప్రింట్ కాపీని భద్రపరచుకోవాలి
NMMS 2025 ముఖ్యమైన సూచనలు (NMMS 2025 Important Instructions)
NMMS పరీక్షకు మరియు దరఖాస్తుకు సంబంధించి విద్యార్థులు ఈ సూచనలను అనుసరించాలి:
- దరఖాస్తు ఫారం పూర్తి చేసి సమర్పించాలి.
- ఇచ్చిన తుది తేదీకి ముందే ఫారం సమర్పించాలి.
- అవసరమైన పత్రాలు సరిగ్గా అప్‌లోడ్ చేయాలి.
- పరీక్ష కేంద్రానికి సమయానికి చేరుకోవాలి.
- మోడల్ ప్రశ్నపత్రాలతో ప్రాక్టీస్ చేయడం మంచిది.
- ఏమైనా సందేహాలు ఉంటే ఉపాధ్యాయులను సంప్రదించాలి.
NMMS స్కాలర్ షిప్ ప్రభుత్వ పాఠశాలల్లో చదువుతున్న ప్రతిభావంతులైన, ఆర్థికంగా వెనుకబడిన విద్యార్థులకు గొప్ప సహాయం. సరైన ప్రణాళికతో, పరీక్షకు సిద్దమై దరఖాస్తు చేసుకుంటే, చదువును కొనసాగిస్తూ నాలుగేళ్లపాటు స్కాలర్ షిప్ పొందవచ్చు.
Keep visiting CollegeDekho for the latest Education News on entrance exams, board exams and admissions. You can also write to us at our email ID news@collegedekho.com.