తెలంగాణ 10వ తరగతి ఎగ్జామ్ ఫీజు షెడ్యూల్ వచ్చేసింది
తెలంగాణ 10వ తరగతి ఎగ్జామ్ ఫీజు షెడ్యూల్ (TG SSC Exam 2026 Fee Schedule) విడుదలైంది. పరీక్ష ఫీజుల చెల్లింపులకు సంబంధించిన తేదీలు, పూర్తి వివరాలు ఈ దిగువున అందించాం.
తెలంగాణ 10వ తరగతి ఎగ్జామ్ ఫీజు షెడ్యూల్ (TG SSC Exam 2026 Fee Schedule) : వచ్చే సంవత్సరం 2026 ఫిబ్రవరి నెలలో జరగనున్న తెలంగాణ పదో తరగతి పరీక్షలకు సంబంధించిన ఫీజు షెడ్యూల్ విడుదలైంది. ఈ మేరకు తెలంగాణ ప్రభుత్వ పరీక్షల డైరెక్టరేట్ (DGE) జరగనున్న సెకండరీ స్కూల్ సర్టిఫికెట్ (SSC), OSSC ఒకేషనల్ పబ్లిక్ పరీక్షల ఫీజు చెల్లింపు షెడ్యూల్‌ను అధికారికంగా విడుదల చేసింది. ఈ షెడ్యూల్ ప్రకారం పాఠశాలల్లో చదువుతున్న పదో తరగతి విద్యార్థులు అక్టోబర్ 30వ తేదీ నుంచి, నవంబర్ 13వ తేదీలోపు తమ పాఠశాలల్లో ఫీజు చెల్లించాల్సి ఉంటుంది. అలాగే పాఠశాలల హెడ్ మాస్టర్లు ఆన్‌లైన్ ద్వారా నవంబర్ 14వ తేదీలోపు ఫీజు చెల్లించాలని, విద్యార్థుల డేటాను నవంబర్ 18వ తేదీలోపు డీఈవోలకు అందించాలని అధికారులు ఉత్తర్వుల్లో పేర్కొన్నారు. అయితే ఫీజు చెల్లింపు గడువు తేదీలను ఎట్టి పరిస్థితుల్లోనూ పొడిగించబోమని అధికారులు ఉత్తర్వుల్లో పేర్కొన్నారు.
తెలంగాణ పదో తరగతి పరీక్ష ఫీజు నిర్మాణం, ముఖ్యమైన సూచనలు (Examination Fee Structure and Important Instructions)
తెలంగాణ పదో తరగతి 2026 పరీక్షలకు DGE ఈ దిగువున తెలిపిన ఫీజు వివరాలను వెల్లడించింది.అన్ని సబ్జెక్టులు లేదా మూడు కంటే ఎక్కువ సబ్జెక్టులు: రూ.125
మూడు సబ్జెక్టుల వరకు: రూ.110లు
ఒకేషనల్ అభ్యర్థులు: రెగ్యులర్ SSC విద్యా ఫీజు రూ. 125కి అదనంగా రూ.60లు
తెలంగాణ 10వ తరగతి ఎగ్జామ్ ఫీజు చెల్లింపు షెడ్యూల్ (TG SSC Exam 2026 Detailed Fee Payment Schedule)
పాఠశాలల్లో పదో తరగతి విద్యార్థులు తమ పరీక్షా ఫీజును తమ పాఠశాల ప్రధానోపాధ్యాయులకు చెల్లించాల్సి ఉంటుంది. ఆ తర్వాత హెడ్‌మాస్టర్లు సైబర్ ట్రెజరీ వ్యవస్థ ద్వారా ఆన్‌లైన్‌లో మొత్తాన్ని పంపిస్తారు. ఈ ప్రక్రియకు కీలకమైన తేదీలు కింది విధంగా ఉన్నాయి:
ఫీజు కేటగిరి | విద్యార్థులు హెడ్‌మాస్టర్‌కి చెల్లింపు | హెడ్‌మాస్టర్ ద్వారా ఆన్‌లైన్ చెల్లింపులు |
|---|---|---|
ఆలస్య ఫీజు లేకుండా | అక్టోబర్ 30 నుంచి నవంబర్ 13, 2025 | నవంబర్ 14, 2025 వరకు |
రూ.100 ఆలస్య ఫీజుతో | నవంబర్ 15 నుంచి నవంబర్ 29, 2025 | డిసెంబర్ 1, 2025 వరకు |
రూ.200 ఆలస్య ఫీజుతో | డిసెంబర్ 2 నుంచి డిసెంబర్ 11, 2025 | డిసెంబర్ 12, 2025 వరకు |
రూ.500 ఆలస్య ఫీజుతో | డిసెంబర్ 15 నుంచి డిసెంబర్ 29, 2025 | డిసెంబర్ 30, 2025 వరకు |
Keep visiting CollegeDekho for the latest Education News on entrance exams, board exams and admissions. You can also write to us at our email ID news@collegedekho.com.