TG SET ఎగ్జామినేషన్ 2025 (TG SET Examination 2025) : TG SET 2025 CBT మోడల్లో అంటే ఆన్‌లైన్‌‌లోనే జరుగుతుంది. పరీక్ష రోజున మొదటి సెషన్‌కు అభ్యర్థులను ఉదయం 7:30 గంటల నుంచి పరీక్షా కేంద్రంలోకి అనుమతిస్తారు. మధ్యాహ్నం సెషన్‌కి 12:30 గంటల నుంచి అనుమతి ఇస్తారు.  పరీక్షా కేంద్రం GATEని ఉదయం 8:30 గంటలకు, మధ్యాహ్నం సెషన్ కోసం  మధ్యాహ్నం 1:30 గంటలకు క్లోజ్ చేయబడుతుంది . గేట్ మూసివేసిన తర్వాత ఏ అభ్యర్థినీ పరీక్షా కేంద్రంలోకి వెళ్లేందుకు వీలు ఉండదు. పరీక్ష హాల్లోకి వెళ్లే ముందు అభ్యర్థుల బయోమెట్రిక్ ధ్రువీకరణ చేస్తారు. అంటే అభ్యర్థులు ఒక గంట ముందే పరీక్ష కేంద్రంకి చేరుకోవాల్సి ఉంటుంది.  ఒక వేళ TG SET ఎగ్జామ్‌ సెంటర్‌కి మీరు సమయానికి చేరుకోకపోతే ఏం జరుగుతుందో ఇక్కడ తెలుసుకోండి.

ఇది కూడా చూడండి: TG SET 2025 ఎగ్జామ్ సెంటర్ల విషయంలో ఈ మార్పు అవసరమా?

సాధారణంగా పరీక్షకు ఎవరూ ఆలస్యంగా రావాలనుకోరు. ఏదైనా బలమైన కారణం ఉంటేనే లేట్ అవుతుంటారు. కానీ అధికారులు అటువంటి కారణాలను పరిగణలోకి తీసుకునే అవకాశం ఉండదు. ఎందుకంటే నిబంధనలు అలా ఉంటాయి. మీరు సమయానికి TG SET పరీక్షా హాల్‌కి చేరుకోకపోతే లోపలకి వెళ్లేందుకు అనుమతించబడరు. పరీక్ష రాసేందుకు ఛాన్స్ ఉండదు. గేట్లు మూసివేసిన తర్వాత అభ్యర్థులు ప్రవేశించేందుకు ఏ మాత్రం అవకాశం ఉండదు.

పరీక్ష సమయంలో అభ్యర్థులు హాల్ టికెట్లతో పాటు తమ గుర్తింపును అధికారులు చెక్ చేస్తారు. దీనికోసం హాల్ టికెట్‌తో పాటు ఆధార్, ఓటర్ ఐడీ, పాన్ కార్డ్, డ్రైవింగ్‌ లైసెన్స్‌లను వెంట తీసుకెళ్లాలి. వాటిని కచ్చితంగా  చెక్ చేస్తారు. హాల్ టికెట్‌పై ఉన్న ఫోటోలో ఉన్న మనిషి మీరా? కాదా? అని కూడా చూస్తారు. ఈ వెరిఫికేషన్ కోసం అభ్యర్థులు ముందుగానే సెంటర్‌కు చేరుకోవాల్సి ఉంటుంది.

TG SET ఎగ్జామ్‌ సెంటర్‌కి మీరు సమయానికి చేరుకోకపోతే?

ఒక వేళ అభ్యర్థులు TG SET ఎగ్జామ్‌ సెంటర్‌కి చేరుకోలేకపోతే కంగారు పడకుండా, ఆందోళన చెందకుండా అధికారులకు తమ పరిస్థితిని చెప్పే ప్రయత్నం చేయాలి. దీంతో ఒక పది, 15 నిమిషాల ఆలస్యాన్ని అధికారులు అవకాశం కల్పించే ఛాన్స్ ఉంటుంది. అభ్యర్థులు చెప్పే కారణం నిజమైనదైతే కచ్చితంగా అవకాశం దొరకవచ్చు. లేట్‌గా వెళ్లిన అభ్యర్థులు ఏ మాత్రం డీలా పడకుండా అధికారులను కన్వీన్స చేయవచ్చు. దీనికోసం అభ్యర్థులు ముందుగానే తమ దగ్గర హాల్ టికెట్‌తో పాటు అవసరమైన అన్ని డాక్యుమెంట్లను తమ దగ్గర ఉండేలా చూసుకోవాలి. అప్పటికీ  TG SET 2025 మిస్ అయితే.. ఏ మాత్రం బాధపడాల్సిన అవసరం లేదు. TG SETకి సంబంధించిన పాజిటివ్ అంశం ఏమిటంటే.. ఈ పరీక్ష కోసం ప్రయత్నాల సంఖ్యపై ఎటువంటి పరిమితి లేదు. ఈ పరీక్షను ఎన్నిసార్లైన రాసుకోవచ్చు. మళ్లీ నోటీఫికేషన్ విడుదలైనప్పుడు అవసరమైన ఫీజు చెల్లించి మళ్లీ దరఖాస్తు చేసుకోవచ్చు.

Keep visiting CollegeDekho for the latest Education News on entrance exams, board exams and admissions. You can also write to us at our email ID news@collegedekho.com.