TS SSC హాల్ టికెట్లు 2026: మార్చి తొలి వారంలో విడుదలయ్యే అవకాశం

తెలంగాణ రాష్ట్రంలో 10వ తరగతి (SSC) పరీక్షలకు సిద్ధమవుతున్న విద్యార్ధులకి ఇది చాలా కీలక సమయం. పరీక్షలకు హాజరయ్యేందుకు తప్పనిసరిగా అవసరమైన SSC హాల్ టిక్కెట్లు 2026పై విద్యార్థులు, తల్లిదండ్రుల్లో ఆసక్తి పెరుగుతోంది. తాజా సమాచారం ప్రకారం, తెలంగాణ SSC హాల్ టిక్కెట్లుమార్చి మొదటి వారంలోవిడుదలయ్యే అవకాశం ఉంది. హాల్ టికెట్ లేకపోతే పరీక్ష కేంద్రంలో ప్రవేశానికే అనుమతి ఉండదని అధికారులు స్పష్టం చేస్తున్నారు. అందుకే విద్యార్థులు హాల్ టికెట్ విడుదల తేదీలపై ఎప్పుడు అప్డేట్ గా ఉండటం అవసరం.

హాల్ టిక్కెట్లు విడుదలైన వెంటనే విద్యార్థులు వాటిని ఆన్‌లైన్‌లో డౌన్‌లోడ్ చేసుకోవచ్చు. హాల్ టికెట్ లో విద్యార్థి పేరు, రోల్ నంబర్, పరీక్ష తేదీలు, పరీక్ష కేంద్రం చిరునామా వంటి ముఖ్య వివరాలు ఉంటాయి. డౌన్‌లోడ్ చేసిన తరువాత వాటిలోని వివరాలను జాగ్రత్తగా తనిఖీ చేయాలి. ఏవైనా తప్పులు కనిపిస్తే వెంటనే సంబంధిత పాఠశాల లేదా విద్యాశాఖా అధికారులను సంప్రదించడం మంచిది. పరీక్షలు పూర్తయ్యే వరకు హాల్ టికెట్ ను భద్రంగా ఉంచాలని సూచిస్తున్నారు.

TS SSC 2026 హాల్ టిక్కెట్లు ఎక్కడి నుంచి డౌన్‌లోడ్ చేయాలి ? (Where to download TS SSC 2026 hall tickets?)

TS SSC హాల్ టికెట్లు అధికారికంగా విడుదల అయిన తర్వాత విద్యార్థులు వాటిని తెలంగాణ SSC బోర్డు అధికారిక వెబ్‌సైట్ నుంచి డౌన్‌లోడ్ చేసుకోవచ్చు. హాల్ టికెట్ పొందేందుకు రోల్ నంబర్ లేదా అవసరమైన ఇతర వివరాలు నమోదు చేయాలి. డౌన్‌లోడ్ చేసిన తర్వాత హాల్ టికెట్‌లో పేరును, పరీక్ష కేంద్రాన్ని, తేదీలను ఇలా అన్ని వివరాలను ఒకసారి జాగ్రత్తగా తనిఖీ చేయాలి. ఏవైనా తప్పులు కనిపిస్తే వెంటనే పాఠశాల అధికారులను సంప్రదించండి.

TS SSC 2026 హాల్ టికెట్‌లో తప్పులు ఉంటే ఏం చేయాలి? హాల్ టికెట్ లేకుండా పరీక్ష రాయవచ్చా? (What to do if there are mistakes in the TS SSC 2026 hall ticket? Can I write the exam without a hall ticket?)

TS SSC 2026 హాల్ టికెట్‌లో పేరు, పుట్టిన తేదీ లేదా ఇతర వివరాలు తప్పుగా ఉన్నట్లు కనపడితే వెంటనే చర్య తీసుకోండి. ఇలాంటి తప్పులను నిర్లక్ష్యం చేయకూడదు. ముందుగా పాఠశాల హెడ్మాస్టర్ లేదా పరీక్షల బాధ్యత వహించే ఉపాధ్యాయులను సంప్రదించండి. వారు అవసరమైన పత్రాల ఆధారంగా సంబంధిత విద్యాశాఖ అధికారుల ద్వారా సవరణ చేయించే అవకాశం ఉంటుంది. చివరి నిమిషం వరకు వేచి ఉండకుండా ముందుగానే సమస్య పరిష్కరించుకుంటే పరీక్ష సమయంలో ఎలాంటి ఇబ్బందులు ఎదురు అవ్వవు .

హాల్ టికెట్‌ లేకుండా TS SSC పరీక్షలు రాయడం సాధ్యం కాదు. హాల్ టికెట్‌ అనేది పరీక్ష కేంద్రంలోకి ప్రవేశానికి తప్పనిసరి పత్రం. హాల్ టికెట్‌తో పాటు గుర్తింపు పత్రం కూడా అడిగే అవకాశం ఉంటుంది. అందుకే పరీక్షకు వెళ్లే ముందు హాల్ టికెట్‌ ప్రింట్ కాపీ తీసుకువెళ్లడం చాలా ముఖ్యం. హాల్ టికెట్‌ ను పరీక్షలు పూర్తయ్యే వరకు భద్రంగా ఉంచుకోవాలని విద్యార్థులకు సూచిస్తున్నారు.

Keep visiting CollegeDekho for the latest Education News on entrance exams, board exams and admissions. You can also write to us at our email ID news@collegedekho.com.