TSPSC Group 3 ఎడిట్ ఆప్షన్ (TSPSC Group 3 Edit Option):తెలంగాణ రాష్ట్ర పబ్లిక్ సర్వీస్ కమిషన్ (TSPSC) గ్రూప్ 3కి దరఖాస్తులు చేసుకున్న అభ్యర్థులకు అలర్ట్. తమ దరఖాస్తుల్లో సవరణలు (TSPSC Group 3 Edit Option) చేసుకునేందుకు కరెక్షన్ విండో అందుబాటులోకి రానుంది. ఈరోజు నుంచి అంటే ఆగస్ట్ 16 నుంచి 21వ తేదీ సాయంత్రం ఐదు గంటల వరకు కరెక్షన్ విండో అధికారిక వెబ్‌సైట్‌లోtspsc.gov.inయాక్టివ్‌గా ఉంటుంది. ఈ విండో ద్వారా అభ్యర్థులు తమ అప్లికేషన్‌లో తప్పులను సరిదిద్దుకోవచ్చు. కావాల్సిన మార్పులు చేసుకోవచ్చు. అయితే ఒక్కో అభ్యర్థికి ఒకసారి మాత్రమే ఎడిట్ ఆప్షన్ ఇస్తున్నట్టు TSPSC స్పష్టం చేసింది. కాబట్టి అభ్యర్థులు జాగ్రత్తగా ఈ ఆప్షన్‌ను వినియోగించుకోవాలి. TSPSC 2023 సవరణకు సంబంధించిన లింక్‌ను ఈ దిగువున అందజేయడం జరిగింది.

TSPSC గ్రూప్ 3 దరఖాస్తు ఎడిట్ ఆప్షన్ పూర్తి వివరాలు (TSPSC Group 3 Edit Option Details)

TSPSC గ్రూప్ 3 కోసం అప్లికేషన్‌ పూరించే సమయంలో జరిగిన పొరపాట్లను సరిచేసుకోవడానికి ఎడిట్ ఆప్షన్ ఆగస్ట్ 21వ తేదీ వరకు అందుబాటులో ఉంటుంది. TSPSC గ్రూప్ 3 దరఖాస్తులో సవరణలకు సంబంధించిన పూర్తి సమాచారం ఇక్కడ అందజేయడం జరిగింది.

TSPSC గ్రూప్ 3 దరఖాస్తు సవరించడానికి స్టెప్స్ (Steps to Edit TSPSC Group 3 Application)

TSPSC గ్రూప్ 3 పోస్ట్ కోసం దరఖాస్తుని సవరించడానికి ఈ కింది స్టెప్స్‌ని ఫాలో అవ్వండి.

• ముందుగా అభ్యర్థులు tspsc.gov.inలో అధికారిక వెబ్‌సైట్‌ను సందర్శించాలి.
• హోంపేజీలో TSPSC గ్రూప్ 3 దరఖాస్తు‌ సవరించే లింక్‌పై క్లిక్ చేయాలి.
• ఒక కొత్త పేజీ ఓపెన్ అవుతుంది. అందులో TSPSC ID, పుట్టిన తేదీతో లాగిన్ అవ్వాలి.
• అనంతరం ఓపెన్ అయ్యే అప్లికేషన్‌లో అవసరమైన దిద్దుబాట్లు చేసి సబ్మిట్ చేయాలి.

TSPSC గ్రూప్ 3 ద్వాారా 26 విభాగాలకు చెందిన పోస్టులను భర్తీ చేయనున్నారు. విద్యాశాఖ, హోంశాఖ, రెవెన్యూ శాఖ, సెకండరీ ఎడ్యుకేషన్ డిపార్ట్‌మెంట్, ఆర్థిక శాఖ వంటి విభాగాల్లో ఈ ఖాళీలున్నాయి. ఈ ప్రభుత్వ ఉద్యోగాల కోసం లక్షలాది మంది అభ్యర్థులు దరఖాస్తు చేసుకున్నారు.

తెలుగులో మరిన్ని ఎడ్యుకేషన్ వార్తలు, ఆర్టికల్స్ కోసంhttps://www.collegedekho.com/te/news/ఈ లింక్‌పై క్లిక్ చేయండి.