ఏపీలో 251 క్లర్క్, మేనేజర్ పోస్టులు, దరఖాస్తు ప్రక్రియ ప్రారంభం, ఇలా అప్లై చేసుకోండి (APCOB Recruitment 2025)

APCOB రిక్రూట్‌మెంట్ 2025 (APCOB Recruitment 2025) : ఆంధ్రప్రదేశ్‌లోని జిల్లా సహకార కేంద్ర బ్యాంకు  శ్రీకాకుళం, కర్నూలు, కృష్ణా, గుంటూరు మరిన్ని జిల్లాల్లో మొత్తం 251 ఖాళీలతో స్టాఫ్ అసిస్టెంట్లు/క్లర్క్‌లు అసిస్టెంట్ మేనేజర్‌ల పోస్టుల కోసం రిక్రూట్‌మెంట్ నోటిఫికేషన్‌లను విడుదల చేసింది. ఈ పోస్టులకు అభ్యర్థులు పూర్తిగా ఆన్‌లైన్ మోడ్‌లో  దరఖాస్తు చేసుకోవాలి. ఆసక్తి, అర్హతలున్న అభ్యర్థులు జనవరి  22, 2025వ తేదీ వరకు దరఖాస్తు చేసుకోవచ్చు.ఈ ఉద్యోగాలకు అప్లై చేసుకోవడానికి అభ్యర్థులు దరఖాస్తు ఫీజు కూడా చెల్లించాల్సి ఉంటుంది. ఈ ఉద్యోగాలకు అభ్యర్థులను ఎంపిక  చేయడానికి ఆన్‌లైన్‌లో పరీక్ష నిర్వహించడం జరుగుతుంది. ఈ పరీక్ష ఫిబ్రవరి నెలలో ఉండే అవకాశం ఉంది.

APCOB రిక్రూట్‌మెంట్ 2025 అర్హత ప్రమాణాలు (APCOB Recruitment 2025 Educational Qualifications)

APCOB రిక్రూట్‌మెంట్ 2025లో భాగంగా స్టాఫ్ అసిస్టెంట్, అసిస్టెంట్ మేనేర్ పోస్టులను భర్తీ చేయనున్నారు. ఈ పోస్టులకు కావాల్సిన అర్హత ప్రమాణాలను ఈ దిగువున అందించడం జరిగింది.

• స్టాఫ్ అసిస్టెంట్ లేదా క్లర్క్ పోస్టులకు అభ్యర్థులకు ఏదైనా విభాగంలో గ్రాడ్యుయేషన్ చేసి ఉండాలి.
• స్థానిక భాష అంటే (తెలుగు)లో ప్రావీణ్యం తప్పనిసరిగా ఉండాలి.
• కంప్యూటర్‌పై ప్రాథమిక పరిజ్ఞానం ఉండాలి.
• అసిస్టెంట్ మేనేజర్ పోస్టులకు అభ్యర్థులు కనీసం 60 శాతం మార్కులతో ఏదైనా విభాగంలో గ్రాడ్యుయేషన్ లేదా తత్సమానం చేసి ఉండాలి.
• స్థానిక భాషపై అవగాహన ఉండాలి. కంప్యూటర్ ప్రావీణ్యం తప్పనిసరిగా ఉండాలి.
• అదేవిధంగా అభ్యర్థుల వయస్సు అక్టోబర్ 31, 2024 నాటికి    20 ఏళ్ల నుంచి 30 ఏళ్ల మధ్య వయస్సుండాలి. ప్రభుత్వ నిబంధనల ప్రకారం  ఎస్సీ, ఎస్టీ, ఓబీసీ అభ్యర్థులకు వయస్సులో మినహాయింపు ఉంటుంది.

APCOB రిక్రూట్‌మెంట్ 2025 అప్లికేషన్ తేదీలు (APCOB Recruitment 2025 Application Dates)

APCOB రిక్రూట్‌‌మెంట్ 2025 అప్లికేషన్ తేదీలు ఈ దిగువున అందించడం జరిగింది.

• APCOB రిక్రూట్‌మెంట్ 2025 ఆన్‌లైన్ దరఖాస్తులకు ప్రారంభ తేదీ : 8 జనవరి 2025
• APCOB రిక్రూట్‌మెంట్ 2025 ఆన్‌లైన్ దరఖాస్తులకు చివరి తేదీ : 22 జనవరి 2025
• APCOB రిక్రూట్‌మెంట్ 2025 ఫీజు చెల్లింపుకు చివరి తేదీ : 22 జనవరి 2025
• APCOB రిక్రూట్‌మెంట్ 2025 ఆన్‌లైన్ పరీక్ష కోసం తాత్కాలిక తేదీ : ఫిబ్రవరి 2025

APCOB రిక్రూట్‌మెంట్ 2025 కోసం ఎలా దరఖాస్తు చేసుకోవాలి?  (How to Apply for APCOB Recruitment 2025?)

ఈ పోస్టులకు అభ్యర్థులు దరఖాస్తు చేసుకోవడానికి అభ్యర్థులు ఈ దిగువున తెలిపిన విధానాన్ని అనుసరించాల్సి ఉంటుంది.

• ముందుగా అభ్యర్థులు DCCB @ apcob.org అధికారిక వెబ్‌సైట్‌ను సందర్శించాలి.
• “రిక్రూట్‌మెంట్” విభాగంపై క్లిక్ చేసి సంబంధిత నోటిఫికేషన్‌ను ఎంచుకోవాలి. .
• ప్రాథమిక వివరాలను అందించడం ద్వారా ఆన్‌లైన్ రిజిస్ట్రేషన్‌ను పూర్తి చేయాలి. .
• అవసరమైన పత్రాలను అప్‌లోడ్ చేయాలి.
• ఇటీవలి ఫోటో మరియు సంతకం
• ఆన్‌లైన్ పేమెంట్ గేట్‌వే ద్వారా దరఖాస్తు ఫీజను చెల్లించాలి.
• దరఖాస్తును సబ్మిట్ చేసి, మీ రికార్డుల కోసం ప్రింట్ తీసుకోవాలి.

Keep visiting CollegeDekho for the latest Education News on entrance exams, board exams and admissions. You can also write to us at our email ID news@collegedekho.com.