KVS – NVS సంస్థలు దేశంలో మొత్తం 14,967 ఉపాధ్యాయ మరియు బోధనేతర పోస్టుల భర్తీకి నోటిఫికేషన్ విడుదల చేశాయి. అర్హత కలిగిన అభ్యర్థులు డిసెంబర్ 4, 2025 వరకు ఆన్లైన్లో దరఖాస్తు చేసుకోవచ్చు.
KVS-NVS Vidyalayas, massive recruitment notification 2025KVS–NVS భారీ నియామక వివరాలు (KVS–NVS Massive Recruitment Details): కేంద్రీయ విద్యాలయ సంఘం (KVS) మరియు నవోదయ విద్యాలయ సమితి (NVS) 2025కి దేశవ్యాప్తంగా ఉన్న పాఠశాలల్లో భారీగా సిబ్బందిని నియమించేందుకు భారీ రిక్రూట్మెంట్ ప్రారంభించాయి. మొత్తం 14,967 పోస్టులన్నిటినీ భర్తీ చేయాలనే ఉద్దేశ్యంతో ఈ నోటిఫికేషన్ విడుదల అయింది. CBSE ఈ నియామక ప్రక్రియ నిర్వహిస్తుంది మరియు ఎంపిక పూర్తిగా పారదర్శకమైన పరీక్షా విధానంపై ఆధారపడి ఉంటుంది. ముందుగా టైర్-1 OMR ఆధారిత ఆబ్జెక్టివ్ పరీక్ష జరుపబడుతుంది. ఇది క్వాలిఫైయింగ్ నేచర్లో ఉంటుంది, 100 ప్రశ్నలు ఉంటాయి, 300 మార్కులకి 2 గంటల వ్యవధి ఉంటుంది. పరీక్షలో జనరల్ రీజనింగ్, న్యూమరికల్ అబిలిటీ, కంప్యూటర్ లిటరసీ, జనరల్ నాలెడ్జ్, ఇంగ్లీష్, మోడర్న్ ఇండియన్ భాష వంటి విభాగాలు ఉంటాయి. టైర్-1లో అర్హత పొందిన అభ్యర్థులను తదుపరి దశలకు పిలుస్తారు.
టైర్-2 పరీక్ష ఎంపికలో కీలక దశగా ఉంటుంది. ఇందులో తప్పు సమాధానాలకు 1/4 నెగెటివ్ మార్కింగ్ ఉంటుంది. టైర్-2 తర్వాత సంబంధిత పోస్టుల ఆధారంగా నైపుణ్య పరీక్షలు (టైపింగ్/స్టెనోగ్రఫీ/ట్రాన్స్క్రిప్షన్), బోధనా పోస్టుల కోసం ఇంటర్వ్యూలు, ఆపై డాక్యుమెంట్ తనిఖీ మరియు మెడికల్ పరీక్షలు నిర్వహిస్తారు. ప్రత్యేకంగా NVS మల్టీ-టాస్కింగ్ స్టాఫ్ కోసం టైర్-1లో జనరల్ అవేర్నెస్, కంప్యూటర్ నాలెడ్జ్, ఇంగ్లీష్ లాంగ్వేజ్, మోడర్న్ ఇండియన్ లాంగ్వేజ్ సెక్షన్లలో మొత్తం 100 ప్రశ్నలు ఉండి, మొత్తం 300 మార్కుల పరీక్ష ఉంటది. అన్ని దశలు విజయవంతంగా పూర్తి చేసిన అభ్యర్థులకి మాత్రమే ఫైనల్ మెరిట్ ఆధారంగా పోస్టింగ్ లభిస్తుంది.
KVS & NVS పోస్టుల వారీగా ఖాళీలు & అర్హతలు పూర్తి వివరాలు (Complete details of vacancies & qualifications for KVS & NVS posts)
క్రింద KVS–NVS నోటిఫికేషన్ 2025లోని అన్ని పోస్టులు, ఖాళీలు, వయో పరిమితి, విద్యార్హతలను ఈ క్రింద పట్టికలో రూపంలో అందించాము.
పోస్ట్ పేరు | మొత్తం పోస్టులు | వయో పరిమితి | విద్యార్హతలు |
|---|---|---|---|
అసిస్టెంట్ కమిషనర్ | 17 | KVS: 50 సంవత్సరాలు, NVS: 45 సంవత్సరాలు | మాస్టర్స్ 50% మార్కులతో + B.Ed/ఇంటిగ్రేటెడ్ B.Ed–M.Ed + ప్రిన్సిపల్గా 3 సంవత్సరాల అనుభవం + హిందీ/ఇంగ్లీష్/కంప్యూటర్ పరిజ్ఞానం |
ప్రిన్సిపల్ | 227 (KVS 134 + NVS 93) | 35–50 సంవత్సరాలు | మాస్టర్స్ 50% మార్కులతో + B.Ed/ఇంటిగ్రేటెడ్ B.Ed–M.Ed + వైస్ ప్రిన్సిపల్/PGT అనుభవం + భాషా నైపుణ్యం |
వైస్ ప్రిన్సిపల్ | 58 (KVS) | 35–45 సంవత్సరాలు | మాస్టర్స్ 50% మార్కులతో + B.Ed + 6 సంవత్సరాల PGT అనుభవం |
PGTs | 2,996 | 40 సంవత్సరాలు | సంబంధిత సబ్జెక్టులో PG 50% + B.Ed/ఇంటిగ్రేటెడ్ B.Ed–M.Ed + ద్విభాషా బోధనా సామర్థ్యం |
TGTs | 6,215 | 35 సంవత్సరాలు | గ్రాడ్యుయేషన్ 50% + B.Ed/ఇంటిగ్రేటెడ్ B.Ed–M.Ed + CTET పేపర్-II అర్హత |
PRT | 2,684 | 30 సంవత్సరాలు | 12th + D.El.Ed/B.El.Ed 50% + CTET పేపర్-I అర్హత |
PRT (సంగీతం) | 187 | 30 సంవత్సరాలు | 12th + సంగీతంలో డిగ్రీ/డిప్లొమా + ఇంగ్లీష్/హిందీ నైపుణ్యం |
స్పెషల్ ఎడ్యుకేటర్ (PRT) | 494 | నియమాల ప్రకారం | RCI అర్హత + CTET తప్పనిసరి |
లైబ్రేరియన్ | 147 | —----------- | B.Lib/B.L.I.Sc + కంప్యూటర్ పరిజ్ఞానం |
KVS నాన్-టీచింగ్ పోస్టులు | 1,155 | పోస్టును బట్టి | 12th/Graduation/Typing/Technical Diploma (పోస్టు ఆధారం గా వివరం) |
NVS నాన్-టీచింగ్ పోస్టులు | 787 | పోస్టును బట్టి | 10th/12th/Graduation (పోస్టు ఆధారం గా వివరం) |
KVS – NVS 2025 ఆన్లైన్ అప్లికేషన్ లింక్ (KVS – NVS 2025 Online Application Link)
ఈ క్రింద ఇచ్చిన అధికారిక లింక్ ద్వారా అభ్యర్థులు నేరుగా ఆన్లైన్ దరఖాస్తు పేజీకి దరఖాస్తు చేయవచ్చు.
KVS & NVS పోస్టుల ఆన్లైన్ దరఖాస్తు విధానం (Online application procedure for KVS & NVS posts)
ఈ కింద పేర్కొన్న దశలను పాటించి అభ్యర్థులు ఆన్లైన్ ద్వారా దరఖాస్తు చేసుకోవచ్చు.
- ముందుగా అధికారిక వెబ్సైట్లో లాగిన్ అయ్యి, సంబంధిత పోస్టు ఎంచుకోవాలి.
- ఆ తరువాత రిజిస్ట్రేషన్ వివరాలు నమోదు చేసి, అప్లికేషన్ ఫారమ్ను పూర్తిగా పూరించాలి.
- ఫోటో, సంతకం, విద్యార్హత సర్టిఫికెట్లు, క్యాటగిరీ/దివ్యాంగుల/అనుభవ ధ్రువపత్రాలు అప్లోడ్ చేయాలి.
- పోస్టు ఆధారం గా పరీక్ష ఫీజును ఆన్లైన్ లో చెల్లించాలి.
- ఒక్కొక్క పోస్టు కోసం వేర్వేరు దరఖాస్తులు సమర్పించాలి.
- సమర్పించిన ఫారమ్ను చివరిలో ప్రివ్యూ చేసి తప్పులేమీ లేకుండా కన్ఫర్మ్ చేయాలి.
- పూర్తయిన అప్లికేషన్ ఫారమ్ ప్రింట్ కాపీని భవిష్యత్ అవసరాల కోసం ఉంచుకోవాలి.
Keep visiting CollegeDekho for the latest Education News on entrance exams, board exams and admissions. You can also write to us at our email ID news@collegedekho.com.
