TG ICET 2026 షెడ్యూల్ విడుదల, నోటిఫికేషన్ ఎప్పుడు విడుదలవుతుందంటే?TG ICET 2026 షెడ్యూల్ రిలీజ్ అయింది. 2026-27 విద్యా సంవత్సరానికి సంబంధించిన MBA, MCA కోర్సుల్లో ప్రవేశాలకు TG ICET 2026ని నిర్వహిస్తారు. ఇందులో భాగంగా రాష్ట్ర ఉన్నత విద్యామండలి జనవరి 28వ తేదీన షెడ్యూల్ను విడుదల చేసింది. ఈ పరీక్షా బాధ్యతలను నల్గొండలోని మహాత్మా గాంధీ యూనివర్సిటీ నిర్వహించనుంది. ఈ షెడ్యూల్ ప్రకారం ఐసెట్ 2026 నోటిఫికేషన్ ఫిబ్రవరి 6వ తేదీన రిలీజ్ అవుతుంది. ఇక ఫిబ్రవరి 12వ తేదీ నుంచి ఆన్లైన్ దరఖాస్తులు స్వీకరిస్తారు. మార్చి 16వ తేదీ వరకు దరఖాస్తు చేసుకునే అవకాశం ఉంటుంది. TG ICET పరీక్షలు మే 13, 14 తేదీల్లో రాష్ట్రవ్యాప్తంగా జరుగుతాయి. డిగ్రీ లాస్ట్ ఇయర్ చదువుతున్న విద్యార్థులు కూడా ఈ పరీక్షకు హాజరు కావొచ్చు.
TG ICET రిజిస్ట్రేషన్ ఫీజు 2026 (TG ICET Registration FEE 2026)
TG ICET రిజిస్ట్రేషన్ ఫీజు చెల్లించాల్సి ఉంటుంది. రిజర్వేషన్ కేటగిరిని బట్టి ఈ ఫీజు వేర్వేరుగా ఉంటుంది. ఈ ఫీజును అభ్యర్థులు ఆన్లైన్లో చెల్లించాల్సి ఉంటుంది.జనరల్ అభ్యర్థులు రూ.750లు చెల్లించాలి.
SC, ST, దివ్యాంగ అభ్యర్థులు రూ.550లు చెల్లించాలి.
TG ICET 2026 ఓవర్ వ్యూ...
తెలంగాణ ICET (ఇంటిగ్రేటెడ్ కామన్ ఎంట్రన్స్ టెస్ట్) 2026 అనేది ఒక ఆన్లైన్ పరీక్ష. ఇది తెలంగాణలో ఎంబీఏ (మాస్టర్ ఆఫ్ బిజినెస్ అడ్మినిస్ట్రేషన్), MCA (మాస్టర్ ఆఫ్ కంప్యూటర్ అప్లికేషన్స్) ప్రోగ్రామ్లకు ప్రాథమిక ప్రవేశ పరీక్ష.ఈ ప్రవేశ పరీక్షకు సంబంధించిన వివరాలనుఈ దిగువున టేబుల్లో అందించాం.
పరీక్ష ఫీచర్ | వివరాలు |
|---|---|
పరీక్ష పేరు | TG ICET 2026 |
అథారిటీ | మహాత్మా గాంధీ విశ్వవిద్యాలయం |
పరీక్షా మోడ్ | ఆన్లైన్ (కంప్యూటర్ ఆధారిత పరీక్ష) |
పరీక్ష తేదీ | మే 13 & 14, 2026 |
అప్లికేషన్ మోడ్ | ఆన్లైన్ |
అధికారిక వెబ్సైట్ | అప్డేట్ చేయబడుతుంది. |
TG ICET 2026 అర్హత ప్రమాణాలు...
TG ICET 2026కి దరఖాస్తు చేసకోవాలనుకునే అభ్యర్థులకు ఈ దిగువున తెలిపిన అర్హత ప్రమాణాలు కచ్చితంగా ఉండాలి.
ముందుగా అభ్యర్థులు భారతీయ పౌరుడై ఉండాలి.
నిబంధనల ప్రకారం తెలంగాణ రాష్ట్ర స్థానిక, స్థానికేతర హోదా అవసరాలను తీర్చాలి.
MBA కోర్సు కోసం దరఖాస్తు చేసుకునే అభ్యర్థులు ఏదైనా విభాగంలో బ్యాచిలర్ డిగ్రీ (కనీసం 3 సంవత్సరాలు) పాసై ఉండాలి.
జనరల్ కేటగిరీకి కనీసం 50 శాతం మార్కులు సాధించి ఉండాలి.
SC, ST, BC అభ్యర్థులకు 45 శాతం మార్కులు సాధించి ఉండాలి.
MCA కోర్సు కోసం అభ్యర్థులు BCA, B.Sc, B.Com , BA డిగ్రీ ఉత్తీర్ణులై ఉండాలి.
మ్యాథ్స్ని 10+2 లేదా డిగ్రీ స్థాయిలో చదివి ఉండాలి.
కనీస అర్హత మార్కులు MBA ప్రమాణాలకు సమానం.
TG ICET 2026కి గరిష్ట వయోపరిమితి లేదు
Keep visiting CollegeDekho for the latest Education News on entrance exams, board exams and admissions. You can also write to us at our email ID news@collegedekho.com.
