తెలంగాణ ఎడ్‌సెట్ 2024 రిజిస్ట్రేషన్ డేట్ పొడిగింపు, లాస్ట్ డేట్ ఎప్పుడంటే? (TS EDCET 2024 Application Date)

తెలంగాణ ఎడ్‌సెట్ 2024 అప్లికేషన్ డేట్ (TS EDCET 2024 Application Date): తెలంగాణ ఎడ్‌సెట్ రిజిస్ట్రేషన్ తేదీని (TS EDCET 2024 Application Date) TSCHE పొడిగించింది. ఎటువంటి లేటు ఫీజు చెల్లించకుండా ఈ నెల 10వ తేదీ వరకు TS EDCET 2024కు రిజిస్టర్ చేసుకోవచ్చు. ముందుగా ప్రకటించిన షెడ్యూల్ ప్రకారం TS EDCET 2024 రిజిస్ట్రేషన్ మే 6తో ముగిసింది. అభ్యర్థుల సౌకర్యార్థం ఆ గడువును పెంచడం జరిగింది.  ఆసక్తి, అర్హత గల అభ్యర్థులు అధికారిక వెబ్‌సైట్ edcet.tsche.ac.inలోకి వెళ్లి దరఖాస్తు చేసుకోవచ్చు. విజయవంతంగా రిజిస్టర్ చేసుకోవడానికి అభ్యర్థులు దరఖాస్తు ఫీజు చెల్లించాల్సి ఉంటుంది. అన్‌రిజర్వ్‌డ్, ఓబీసీ వర్గాల అభ్యర్థులు రూ.750లు ఫీజు చెల్లించాల్సి ఉంటుంది. ఎస్సీ,  ఎస్టీ, వికలాంగుల అభ్యర్థులు రూ.500లు చెల్లించాల్సి ఉంటుంది. అదేవిధంగా రూ.250 ఆలస్య ఫీజుతో మే 13వ తేదీ వరకు దరఖాస్తు చేసుకోవచ్చు. 

తెలంగాణ ఎడ్‌సెట్ 2024 అర్హత ప్రమాణాలు (TS EDCET Eligibility Criteria 2024)

తెలంగాణలోని వివిధ విశ్వవిద్యాలయాలలో బీఈడీ కోర్సుల్లో ప్రవేశానికి దరఖాస్తు చేసుకోవాలనుకునే విద్యార్థులు అర్హత ప్రమాణాలను పూర్తి చేయాలి. అర్హత గల అభ్యర్థులు TS EDCET అధికారిక వెబ్‌సైట్‌లో దరఖాస్తు ఫారమ్‌ను పూరించడం ద్వారా దరఖాస్తు చేసుకోవడానికి అనుమతించబడతారు. TS EDCET 2024 అర్హత ప్రమాణాలు దిగువున అందించాం. 

• అభ్యర్థులు భారతీయ జాతీయతను కలిగి ఉండాలి. 
• అభ్యర్థులు బ్యాచిలర్ డిగ్రీని కలిగి ఉండాలి అంటే BA, B.Com, B.Sc, B.Sc (హోమ్ సైన్స్), BCA, BBM, BA (ఓరియంటల్ లాంగ్వేజెస్), BBA లేదా ఇంజనీరింగ్ అండ్ టెక్నాలజీలో బ్యాచిలర్స్ లేదా కనీసం 50 శాతం మాస్టర్స్ డిగ్రీ ఉండాలి. 
• SC/ST/BC విద్యార్థులకు కనీసం 40 శాతం మార్కులు సాధించి ఉండాలి. 
• అభ్యర్థులు నోటిఫికేషన్ జారీ చేసిన సంవత్సరం జూలై 1 నాటికి 19 సంవత్సరాలు నిండి ఉండాలి. గరిష్ట వయోపరిమితి ఉండదు.

TS EDCET 2024 కోసం ఎలా దరఖాస్తు చేయాలి (How to apply for TS EDCET 2024)

తెలంగాణ ఎడ్‌సెట్ 2024కి అభ్యర్థులు దరఖాస్తు చేసుకునే విధానాన్ని ఈ దిగువున అందించడం జరిగింది. 

• ముందుగా అభ్యర్థులు TS EDCET అధికారిక వెబ్‌సైట్ అంటే edcet.tsche.ac.inని సందర్శించాలి.
• హోంపేజీలో  “TS EdCET 2024 అప్లికేషన్”పై క్లిక్ చేయాలి.
• అవసరమైన సమాచారంతో దరఖాస్తును  పూరించండి.  అవసరమైన పత్రాలను అప్‌లోడ్ చేయండి
• దరఖాస్తు ఫీజు చెల్లించి,  "Submit" బటన్‌పై క్లిక్ చేయాలి.
• భవిష్యత్తు ఉపయోగం కోసం దరఖాస్తు ఫార్మ్‌ను డౌన్‌లోడ్ చేయాలి. 

తెలుగులో మరిన్ని ఎడ్యుకేషన్ వార్తల కోసం https://www.collegedekho.com/te/news/ ఈ లింక్‌పై క్లిక్ చేయండి.