SSC CHSL 2025 ఆన్‌లైన్ పరీక్ష నవంబర్ 12 నుండి ప్రారంభం

SSC CHSL టియర్-1 నవంబర్ 12 నుంచి (SSC CHSL Tier-1 from November 12): స్టాఫ్ సెలక్షన్ కమిషన్ (SSC) నిర్వహించే కంబైన్డ్ హయ్యర్ సెకండరీ లెవల్ (CHSL) 2025 టియర్-1 ఆన్‌లైన్ రాత పరీక్షలకు సంబంధించిన ప్రక్రియ వేగంగా జరుగుతోంది. ఇవి నవంబర్ 12 నుంచి మొదలవుతున్నాయి. అభ్యర్థులకు ముందుగానే పరీక్ష నగరం, తేదీ, షిఫ్ట్ వివరాలు తెలియజేయడానికి SSC సిటీ ఇన్టిమేషన్ స్లిప్‌లు విడుదల చేసింది. ఇప్పుడు అభ్యర్థులు తమ రిజిస్ట్రేషన్ వివరాలతో లాగిన్ చేసి సిటీ స్లిప్ డౌన్‌లోడ్ చేసుకోవచ్చు.

ఈ సారి SSC అభ్యర్థులకు ప్రత్యేక సౌకర్యంగా అక్టోబర్ 22 నుంచి 28 వరకు అభ్యర్థులు తమకు అనుకూలమైన పరీక్ష కేంద్రం, తేదీ, షిఫ్ట్‌ను స్వయంగా ఎంచుకోవడానికి సెల్ఫ్-స్లాట్ ఎంపిక అవకాశం ఇచ్చింది. ఎవరికైనా తమ ఎంపిక చేసిన నగరం స్లిప్‌లో కనిపించకపోతే, నవంబర్ 8 లోపు రిప్రెజెంటేషన్ ఇవ్వడానికి అవకాశం ఉందని కమిషన్ తెలిపింది

ఈ నోటిఫికేషన్ ద్వారా మొత్తం 3,131 పోస్టులు భర్తీ చేయబడనున్నాయి. ఇందులో లోయర్ డివిజన్ క్లర్క్ (LDC), జూనియర్ సెక్రటేరియట్ అసిస్టెంట్ (JSA), డేటా ఎంట్రీ ఆపరేటర్ (DEO), డేటా ఎంట్రీ ఆపరేటర్ గ్రేడ్-A పోస్టులు ఉన్నాయి. ఇంటర్మీడియట్ (10+2) అర్హత ఉన్న అభ్యర్థులు ఈ పోస్టుల కోసం దరఖాస్తు చేశారు. నియామక ప్రక్రియ ఆల్ ఇండియా స్థాయిలో జరుగుతుంది.

ఆసలైన అడ్మిట్ కార్డులు పరీక్షకు 4 రోజుల ముందు విడుదల కావలసినది. అంటే నవంబర్ 8 తర్వాత ఎంపికైన రీజియన్ల వెబ్‌సైట్లలో అడ్మిట్ కార్డులు డౌన్‌లోడ్ చేసుకోవచ్చు. అడ్మిట్ కార్డ్ లేకుండా ఎవరికీ పరీక్షలో ప్రవేశం ఉండదు, కాబట్టి అభ్యర్థులు ముందుగానే డౌన్‌లోడ్ చేసుకోవాలి.

SSC CHSL 2025 సిటీ ఇంటిమేషన్ స్లిప్‌ను ఎలా డౌన్‌లోడ్ చేసుకోవాలి? (How to download SSC CHSL 2025 City Intimation Slip?)

SSC CHSL 2025 సిటీ ఇంటిమేషన్ స్లిప్‌ను అభ్యర్థులు డౌన్‌లోడ్ చేసే ముందు ఈ క్రింద ఉన్న దశలను పాటించండి.

• ముందుగా అభ్యర్థులు  SSC అధికారిక వెబ్‌సైట్ ఓపెన్ చేయండి
• హోమ్‌పేజీలోని "CHSL 2025 City Intimation Slip" లింక్‌పై క్లిక్ చేయండి
• మీ రిజిస్ట్రేషన్ నంబర్ / రోల్ నంబర్ / పుట్టిన తేదీ(DOB) ద్వారా లాగిన్ అవ్వండి
• మీ సిటీ స్లిప్ స్క్రీన్‌పై కనిపిస్తుంది
• దానిని డౌన్‌లోడ్ చేసి ప్రింట్ తీసుకోండి

పరీక్షలో స్క్రైబ్ సహాయం అవసరమైన దివ్యాంగ అభ్యర్థులు SSC వెబ్‌సైట్‌లో కొత్తగా స్క్రైబ్ రిజిస్ట్రేషన్ చేయాల్సి ఉంటుంది. అదనంగా ఆధార్ ధృవీకరణ కూడా తప్పనిసరి. పరీక్షకు సంబంధించిన అన్ని సూచనలు మరియు తాజా అప్డేట్స్ SSC అధికారిక వెబ్‌సైట్‌లో అందుబాటులో ఉన్నాయి.

Keep visiting CollegeDekho for the latest Education News on entrance exams, board exams and admissions. You can also write to us at our email ID news@collegedekho.com.