UGC NET 2025 రిజిస్ట్రేషన్‌కి రేపే చివరి తేదీ

UGC NET డిసెంబర్ 2025 రిజిస్ట్రేషన్ చివరి అవకాశం (UGC NET December 2025 Registration Last Chance): UGC NET డిసెంబర్ 2025 రిజిస్ట్రేషన్ ప్రక్రియ ఇప్పుడు చివరి దశకి చేరింది. నేషనల్ టెస్టింగ్ ఏజెన్సీ (NTA) ఆన్‌లైన్ దరఖాస్తులను నవంబర్ 7, 2025 రాత్రి 11:50 వరకు మాత్రమే స్వీకరిస్తుంది. ఇంకా అప్లికేషన్ ఫారం పూర్తి చేయనివారు వెంటనే రిజిస్ట్రేషన్, డాక్యుమెంట్ అప్లోడ్ మరియు ఫీజు చెల్లింపును పూర్తిచేసుకోవాలి. ఫీజు చెల్లించకపోతే దరఖాస్తు వినియోగంలోకి తీసుకోబడదని NTA స్పష్టం చేసింది.

దరఖాస్తు సమర్పించే ముందు అన్ని వివరాలు పరిశీలించాల్సి ఉంటుంది, తర్వాత మార్పులకు అవకాశం లేకపోవచ్చని సూచించారు. అప్లికేషన్ కరెక్షన్ విండో నవంబర్ 10 నుంచి 12, 2025 వరకు మాత్రమే అందుబాటులో ఉంటుంది. పరీక్ష తేదీలు, అడ్మిట్ కార్డులు మరియు పరీక్ష నగరాల వివరాలు తర్వాత ప్రకటించబడతాయి.

అదే విధంగా, నమోదు పూర్తి చేసేటప్పుడు ఆధార్ వెరిఫికేషన్ ఉపయోగించాలని NTA సూచించింది, ఎందుకంటే ఇది పరీక్ష కేంద్రాల్లో గుర్తింపు సులభతరం చేస్తుంది. తాజా అప్‌డేట్ల కోసం అభ్యర్థులు అధికారిక వెబ్‌సైట్ ugcnet.nta.nic.in ను నిరంతరం చూడాలని సూచించబడింది.

UGC NET 2025 డిసెంబర్ రిజిస్ట్రేషన్ ఎలా చేయాలి? (How to do UGC NET 2025 December registration?)

UGC NET 2025 డిసెంబర్ రిజిస్ట్రేషన్ ఆన్లైన్‌లో దరఖాస్తు పూర్తి చేసుకోవడానికి అభ్యర్థులు ఈ క్రింది ఉన్న దశలను ఫాలో అవండి.

• ముందుగా అధికారిక వెబ్‌సైట్‌ను ugcnet.nta.nic.in ని సందర్శించండి.
• హోమ్‌పేజీలోని "UGC NET Registration 2025" లింక్‌పై క్లిక్ చేయండి
• ముందుగా రిజిస్ట్రేషన్ చేసి లాగిన్ వివరాలు పొందండి
• లాగిన్ చేసి అప్లికేషన్ ఫారం నింపండి
• అవసరమైన డాక్యుమెంట్లు అప్‌లోడ్ చేయండి
• మీ వర్గానికి అనుగుణంగా ఫీజు చెల్లించండి
• ఫారం సమర్పించి ప్రింట్ తీసుకోవడం మర్చిపోకండి

UGC NET 2025 అప్లికేషన్ ఫీజు వివరాలు (UGC NET 2025 Application Fee Details)

UGC NET 2025 అప్లికేషన్ ఫీజు వివరాలను ఈ క్రింద వర్గాల వారీగా అభ్యర్థులు చెల్లించాల్సిన ఫీజులు ఉన్నాయి.

• జనరల్ / Unreserved: రూ.1,150
• జనరల్-EWS / OBC-NCL: రూ.600
• SC / ST / PwD / PwBD: రూ.325

UGC NET డిసెంబర్ 2025కి దరఖాస్తు చేసే అభ్యర్థులు చివరి తేదీకి ముందే నమోదు మరియు ఫీజు చెల్లింపును పూర్తి చేయాలి. తాజా సమాచారం కోసం అధికారిక వెబ్‌సైట్‌ను తరచుగా పరిశీలించడం మంచిది.

Keep visiting CollegeDekho for the latest Education News on entrance exams, board exams and admissions. You can also write to us at our email ID news@collegedekho.com.