అంబేద్కర్ గురుకులాల్లో 5వ తరగతి & జూనియర్ ఇంటర్ ప్రవేశాలు

అంబేద్కర్ గురుకులాలలో 5వ తరగతి మరియు జూనియర్ ఇంటర్ ప్రవేశాలకు నోటిఫికేషన్ విడుదలైంది. ఈ నెల 20 నుండి ఫిబ్రవరి 19 వరకు ఆన్‌లైన్ దరఖాస్తులు అందుబాటులో ఉంటాయి.

Ambedkar Gurukulala

అంబేద్కర్ గురుకుల ప్రవేశాల పూర్తి వివరాలు (Complete details of Ambedkar Gurukul admissions): డా. బి.ఆర్. అంబేద్కర్ గురుకులాల్లో విద్యా సంవత్సరానికి 5వ తరగతి & జూనియర్ ఇంటర్ ప్రవేశాల కోసం BRAG CET 2025 నోటిఫికేషన్ విడుదలైంది. అర్హులైన విద్యార్థులు ఈ నెల 20 నుండి ఫిబ్రవరి 19,2026 వరకు ఆన్‌లైన్‌గా దరఖాస్తు చేసుకోవచ్చు. ప్రవేశాలకు ఆర్థికంగా బలహీన వర్గాల విద్యార్థులే అర్హులు, వార్షిక కుటుంబ ఆదాయం రూ.1,00,000కి లోపు ఉండాలి. జూనియర్ ఇంటర్‌కు 2026 మార్చిలో జరిగే SSC పరీక్షలో రెగ్యులర్‌గా హాజరయ్యే విద్యార్థులే అర్హులు. గురుకులాల్లో రిజర్వేషన్లు SC – 75%, BC-C – 12%, ST – 6%, BC – 5%, వికలాంగులకు 3%, సఫాయి కర్మచారి పిల్లలకు 3%. అలాగే జోగినులు, బసవిన్లు, అనాథలు, అత్యాచార బాధితులు, సైనిక సిబ్బంది పిల్లలకు ప్రత్యేక కేటగిరీ కింద 15% సీట్లు ఏర్పాటు చేయబడ్డాయి.

జూనియర్ ఇంటర్ BRAG CETలో మెరిట్ సాధించిన కొంత మంది విద్యార్థులను రాష్ట్రవ్యాప్తంగా నడిచే అంబేద్కర్ IIT–NEET కోచింగ్ సెంటర్లలో ప్రవేశానికి 1:3 నిష్పత్తిలో ఎంపిక చేస్తారు. కోచింగ్ సెంటర్లకు దరఖాస్తు చేసుకోవాలంటే ఆన్‌లైన్ అప్లికేషన్‌లోనే ఎంపిక చేయవలసి ఉంటుంది.

అంబేద్కర్ గురుకుల ప్రవేశాలు, ప్రవేశ పరీక్షా విధానం

అంబేద్కర్ గురుకుల ప్రవేశాలకు ప్రవేశ పరీక్షా విధానం గురించి ముందుగా తెలుసుకోవాలి. BRAG CET (5వ తరగతి) పరీక్ష 50 మార్కులకి నిర్వహిస్తారు. ఇది తెలుగు, ఇంగ్లీష్, మ్యాథ్స్, EVS వంటి విషయాలపై 4వ తరగతి సిలబస్ ఆధారంగా ఉంటే, నెగటివ్ మార్కింగ్ ఉండదు. జూనియర్ ఇంటర్ BRAG CET 100 మార్కుల పరీక్షగా ఉంటుంది. ఇది మ్యాథ్స్, ఫిజిక్స్, బయాలజీ, సోషల్, ఇంగ్లీష్, లాజికల్ రీజనింగ్ వంటి విభాగాలపై 10వ తరగతి సిలబస్‌ను ఆధారంగా తీసుకుంటుంది, మరియు ప్రతి తప్పు సమాధానానికి ¼ నెగటివ్ మార్కు ఉంటుంది. మెరిట్ ఆధారంగా సీట్లు కేటాయిస్తారు, ఎంపికైన విద్యార్థులు స్టడీ సర్టిఫికెట్, కుల–ఆదాయ ధృవీకరణ పత్రాలు, TC, మెడికల్ సర్టిఫికెట్ వంటి పత్రాలు సమర్పించిన తర్వాతే ఫైనల్ అడ్మిషన్ జరుగుతుంది.

అంబేద్కర్ గురుకులాల్లో ప్రవేశాల కోసం ఆన్‌లైన్ దరఖాస్తు విధానం (Online application procedure for admissions in Ambedkar Gurukuls)

అంబేద్కర్ గురుకులాల్లో ప్రవేశాలకు విద్యార్థులు ఆన్‌లైన్ లో ఈ క్రింద ఇచ్చిన దశలను పాటించి దరఖాస్తు చేసుకోవాలి.

ముందుగా అధికారిక https://apbragcet.apcfss.in వెబ్‌సైట్ సందర్శించండి.
దరఖాస్తు ఫీజు లేదు (ఫ్రీ).
విద్యార్థులు ఇంటి నుంచి, ఇంటర్నెట్ సెంటర్ నుంచి లేదా సమీప అంబేడ్కర్ గురుకుల హెల్ప్‌డెస్క్ ద్వారా అప్లై చేయవచ్చు.
అప్లికేషన్‌లో విద్యార్థి చేరదలచిన పాఠశాలలో/కళాశాలలో వివరాలు తప్పనిసరిగా నమోదు చేయాలి.
జూనియర్ ఇంటర్‌కు దరఖాస్తు చేసి IIT–NEET కోచింగ్ సెంటర్‌లో చేరాలనుకుంటే, ఆ ఆప్షన్‌ను అప్లికేషన్‌లోనే సెలెక్ట్ చేయాలి.
దరఖాస్తుతో పాటు అవసరమైన వ్యక్తిగత వివరాలు, విద్యార్హత వివరాలు, వయస్సు సంబంధిత వివరాలు ఖచ్చితంగా నమోదు చేయాలి.
అభ్యర్థి తండ్రి/తల్లి మొబైల్ నంబర్ మాత్రమే ఇవ్వాలి, ఇంటర్నెట్ సెంటర్ మొబైల్ నంబర్ ఇవ్వకూడదు.
అప్లికేషన్ సబ్మిట్ చేసిన తర్వాత ఎలాంటి మార్పులు చేయడం సాధ్యం కాదు, కాబట్టి వివరాలు జాగ్రత్తగా నమోదు చేయండి.
అప్లికేషన్ సబ్మిట్ అయినప్పుడే సక్సెస్‌ఫుల్ రిజిస్ట్రేషన్ సందేశం మొబైల్ కు వస్తుంది.
హాల్ టికెట్ కూడా అదే వెబ్‌సైట్ ద్వారా నిర్ణీత తేదీలో డౌన్లోడ్ చేసుకోవాలి.
హాల్ టికెట్ పొందిన తరువాత విద్యార్థి లేదా తల్లిదండ్రులు పరీక్షా కేంద్రాన్ని ముందుగానే వెళ్లి ద్రువీకరించుకోవాలి.

Keep visiting CollegeDekho for the latest Education News on entrance exams, board exams and admissions. You can also write to us at our email ID news@collegedekho.com.