School Assembly News Headlines for 6 July 2023: ఏపీ, తెలంగాణ, జాతీయ వార్తలు ఇక్కడ తెలుసుకోండి

జూలై 06 స్కూల్ అసెంబ్లీ వార్తల ముఖ్యాంశాలు (School Assembly News Headlines for 6 July 2023) ఇక్కడ ఉన్నాయి. ఏపీ, తెలంగాణ, జాతీయ, అంతర్జాతీయ వార్తల కోసం అన్ని తాజా అప్‌డేట్‌లను ఇక్కడ తెలుసుకోండి.

06 జూలై 2023 కోసం స్కూల్ అసెంబ్లీ వార్తల ముఖ్యాంశాలు (School Assembly News Headlines for 6 July 2023)

ఆంధ్రప్రదేశ్ వార్తలు (Andhra Pradesh News)

ఆంధ్రప్రదేశ్‌లోని అమరావతిలోని ఆర్ 5 జోన్‌లో పేదల ఇళ్ల నిర్మాణాల అంశంపై హైకోర్టులో బుధవారం విచారణ జరిగింది. ఈ సందర్భంగా అక్కడ ఇళ్ల నిర్మాణాలకు సుప్రీకోర్టు అనుమతి ఇచ్చిందా? అని హైకోర్టు ప్రశ్నించింది.
మాజీ మంత్రి వైఎస్ వివేకానంద రెడ్డి హత్య కేసులో తనను బాధితుడుగా చూడాలంటూ ఆయన పీఏ కృష్ణారెడ్డి వేసిన పిటిషన్‌ను సుప్రీంకోర్టు తోసిపుచ్చింది.
విజయవాడలోని హోటల్ ఐలాపురం దగ్గర ఆందోళన జరిగింది. సోషల్ మీడియా - మహిళలపై దాడి అనే అంశంపై జరుగుతున్న సెమినార్‌కు టీడీపీ, జనసేప పార్టీ మహిళా నేతలను పోలీసులు అనుమతించలేదు.

తెలంగాణ వార్తలు (Telangana News)

తెలంగాణ హైకోర్టులో ఫోరం ఫర్ గుడ్ గవర్నెన్స్ పిల్‌పై విచారణ జరిగింది. ఆర్టీఐ కమిషనర్ల నియామకంలో జరుగుతున్న జాప్యంపై హైకోర్టు అసంతృప్తి వ్యక్తం చేసింది.
తెలంగాణ రాష్ట్ర బీజేపీ అధ్యక్షుడుగా తనను నియమించడంపై ఆ పార్టీ నాయకుడు కిషన్ రెడ్డి ఆనందం వ్యక్తం చేశారు. తన నిర్వర్తించిన బాధ్యతలను పార్టీ గుర్తించిందని ఆయన అన్నారు.
తెలంగాణ రాష్ట్రంలో చాలా వేగంగా అభివృద్ధి జరుగుతుందని మంత్రి కేటీఆర్ అన్నారు. హైదరాబాద్‌లో త్వరలోనే 1000 ఎలక్ట్రిక్ బస్సులు ప్రారంభిస్తామని ఆయన అన్నారు.

జాతీయ వార్తలు (National News

గిరిజన యువకుడిపై మూత్ర విసర్జన చేశాడని ఆరోపించిన మధ్యప్రదేశ్ వ్యక్తిపై బుల్డోజర్ చర్య తీసుకోవాలని బీఎస్పీ అధ్యక్షురాలు మాయావతి డిమాండ్ చేశారు.
ఆర్థిక వ్యవస్థ, ధరల పెరుగుదలపై కాంగ్రెస్ నేత ఖర్గే కేంద్ర ప్రభుత్వంపై విమర్శలు గుప్పించారు.
భారతదేశంలో కొత్తగా కోవిడ్ 56 కేసులు గుర్తించబడ్డాయి.
మణిపూర్‌లో అల్లర్లు చెలరేగుతూనే ఉన్నాయి. అల్లరి మూకలు ఆయుధాలు లూటీ చేయడానికి ప్రయత్నించడంతో మరోసారి అక్కడ ఉద్రిక్తత నెలకొంది.
ఢిల్లీలోని తీస్ హజారీ కోర్టు ప్రాంగణంలో తుపాకీ కాల్పులు జరిగాయి. రెండు వర్గాలకు చెందిన లాయర్లు గొడవపడ్డారు. ఆ సందర్భంగా గాల్లోకి కాల్పులు జరిపినట్టు పోలీసులు వెల్లడించారు.

తెలుగులో మరిన్ని ఎడ్యుకేషన్ వార్తలు, ఆర్టికల్స్ కోసం https://www.collegedekho.com/te/news/ ఈ లింక్‌పై క్లిక్ చేయవచ్చు.