TS POLYCET 2025 ఫేజ్-1 కౌన్సెలింగ్ ఈ రోజు నుంచి ప్రారంభం

TS పాలిటెక్నిక్ ప్రవేశాల కోసం TS POLYCET 2025 ఫేజ్-1 కౌన్సెలింగ్ జూన్ 24,2025 నుంచి ప్రారంభమైంది. అభ్యర్థులు అధికారిక వెబ్‌సైట్‌ ద్వారా రిజిస్ట్రేషన్ చేయాలి, డాక్యుమెంట్లు అప్‌లోడ్ చేసి వెబ్ ఆప్షన్లు ఇవ్వాలి.పూర్తి సమాచారం ఇక్కడ చూడండి.

TS POLYCET 2025 ఫేజ్-1 కౌన్సెలింగ్ ప్రారంభం (TS POLYCET 2025 Counselling Phase 1 Begins today) : తెలంగాణ రాష్ట్ర పాలిటెక్నిక్ ప్రవేశ పరీక్ష (TS POLYCET) 2025 ఫలితాలు విడుదలైన తరువాత, కౌన్సెలింగ్ ప్రక్రియ ఫేజ్-1 జూన్ 24,2025 నుండి ప్రారంభమైంది. ఈ కౌన్సెలింగ్ పూర్తిగా ఆన్‌లైన్ ద్వారా జరుగుతుంది. అర్హత పొందిన అభ్యర్థులు మొదటగా అధికారిక వెబ్‌సైట్‌ tgpolycet.nic.in లో రిజిస్ట్రేషన్ చేసుకోవాలి. తర్వాత ప్రాసెసింగ్ ఫీజు చెల్లించి, డాక్యుమెంట్ల వెరిఫికేషన్ కోసం స్లాట్ బుక్ చేసుకోవాలి.సర్టిఫికెట్ వెరిఫికేషన్ కోసం విద్యార్థులు నిర్ణీత తేదీలలో హెల్ప్‌లైన్ సెంటర్‌కు స్వయంగా హాజరుకావాలి. వెరిఫికేషన్ పూర్తైన తరువాత అభ్యర్థులు తమకు ఇష్టమైన పాలిటెక్నిక్ కాలేజీలు, కోర్సులను వెబ్ ఆప్షన్ల రూపంలో ఎంచుకోవచ్చు. చివరగా ఎంపికైన అభ్యర్థులకు జూలై 4న సీట్లు కేటాయించబడతాయి. వారు ఆ సీటును అంగీకరిస్తే, సంబంధిత ఫీజును చెల్లించి సెల్ఫ్ రిపోర్టింగ్ చేయాలి.

ఈ కౌన్సెలింగ్ ద్వారా TS POLYCETలో అర్హత సాధించిన విద్యార్థులు ప్రభుత్వ ,ప్రైవేట్ పాలిటెక్నిక్ కళాశాలల్లో డిప్లొమా కోర్సుల్లో ప్రవేశం పొందే అవకాశం ఉంటుంది. అభ్యర్థులు తమ ర్యాంక్, కేటగిరీ, వెబ్ ఆప్షన్లను బట్టి సీటు కేటాయింపు జరుగుతుంది. మొత్తం ప్రక్రియకు సూచించిన తేదీల్లో, అవసరమైన డాక్యుమెంట్లతో సహా సమయానికి పాల్గొనడం చాలా ముఖ్యం.

TS POLYCET 2025 ఫేజ్-1 కౌన్సెలింగ్ ముఖ్యమైన తేదీలు (TS POLYCET 2025 Phase-1 Counselling Important Dates)

TS POLYCET 2025 ఫేజ్-1 కౌన్సెలింగ్‌కు సంబంధించిన ప్రతి దశలవారీగా తేదీలు ఈ క్రింద ఇవ్వబడ్డాయి. విద్యార్థులు ఈ తేదీలను గమనించి సమయానికి ప్రక్రియను పూర్తి చేయాలి.

వివరాలు	తేదీలు
రిజిస్ట్రేషన్, ఫీజు చెల్లింపు & స్లాట్ బుకింగ్ తేదీలు	జూన్ 24 – 28, 2025
సర్టిఫికెట్ వెరిఫికేషన్ తేదీలు	జూన్ 26 – 29, 2025
వెబ్ ఆప్షన్లు ఎంట్రీ తేదీలు	జూన్ 26 – జూలై 1, 2025
ఆప్షన్లు ఫ్రీజ్ చేయడం తేదీ	జూలై 1, 2025
సీటు కేటాయింపు తేదీ	జూలై 4, 2025
ఫీజు చెల్లింపు & సెల్ఫ్ రిపోర్టింగ్ తేదీలు	జూలై 4 – 6, 2025
ఫేజ్-2 కౌన్సెలింగ్ ప్రారంభ తేదీ	జూలై 9, 2025

TS POLYCET 2025 కౌన్సెలింగ్‌కు అవసరమైన డాక్యుమెంట్లు(Documents required for TS POLYCET 2025 Counselling)

TS POLYCET 2025 ర్యాంక్ కార్డు
హాల్ టికెట్
10వ తరగతి మార్కుల మెమో
బోనాఫైడ్/స్టడీ సర్టిఫికెట్లు (VI క్లాస్ నుండి X క్లాస్ వరకు)
కుల ధృవీకరణ పత్రం (తగిన వారు మాత్రమే)
ఆదాయ ధ్రువీకరణ పత్రం (EWS లేదా ఫీజు రీయింబర్స్‌మెంట్ కోసం)
రెసిడెన్స్ సర్టిఫికెట్ (కనీసం 7 సంవత్సరాల రాష్ట్ర నివాస ధ్రువీకరణ)
ట్రాన్స్ఫర్ సర్టిఫికెట్
ఆధార్ కార్డు
ఫోటోలు (పాస్‌పోర్ట్ సైజ్)

TS POLYCET 2025 ఫేజ్-1 కౌన్సెలింగ్ విద్యార్థులకు మంచి అవకాశం. ర్యాంక్ ఆధారంగా మంచి కాలేజీల్లో అడ్మిషన్ పొందవచ్చు. ప్రతి దశను సమయానికి పూర్తి చేయడం అవసరం.

Keep visiting CollegeDekho for the latest Education News on entrance exams, board exams and admissions. You can also write to us at our email ID news@collegedekho.com.