TG EDCET 2026 దరఖాస్తు ఫారమ్ కోసం అవసరమైన పత్రాలు

TG EDCET అనేది తెలంగాణ రాష్ట్రంలో B.Ed కోర్సుల్లో ప్రవేశం కోసం నిర్వహించే ప్రధాన ప్రవేశ పరీక్ష. ప్రతి సంవత్సరం వేలాది మంది ఉపాధ్యాయ వృత్తిలో ప్రవేశం పొందాలని ఈ పరీక్షకు దరఖాస్తు చేస్తారు. TG EDCET ద్వారా ప్రభుత్వ, ప్రైవేట్ విద్యా కళాశాలల్లో ఉన్న సీట్లను మెరిట్ మరియు రిజర్వేషన్ నియమాల ప్రకారం భర్తీ చేస్తారు. దరఖాస్తు ప్రక్రియ పూర్తిగా ఆన్‌లైన్‌లో జరుగుతుంది. అప్లికేషన్ ఫారం నింపే సమయంలో అభ్యర్థులు తమ వ్యక్తిగత వివరాలు, విద్యార్హతలు, కేటగిరీ సమాచారం వంటి అంశాలను చాలా జాగ్రత్తగా నమోదు చేయాలి. చిన్న పొరపాటు కూడా దరఖాస్తు తిరస్కరణకు లేదా అడ్మిషన్ సమయంలో సమస్యలకు కారణమవుతుంది. అందుకే TG EDCET దరఖాస్తు ప్రక్రియను ప్రారంభించే ముందు పూర్తి సమాచారం తెలుసుకోవడం చాలా ముఖ్యం. ముఖ్యంగా అప్లికేషన్‌కు అవసరమైన పత్రాలను ముందుగానే సిద్ధం చేసుకుంటే దరఖాస్తు సులభంగా, ఎలాంటి అంతరాయం లేకుండా పూర్తవుతుంది. TG EDCET 2026 దరఖాస్తుకు అవసరమైన డాక్యుమెంట్ల వివరాల కోసం ఈ క్రింద చూడండి.

TG EDCET 2026 దరఖాస్తుకు అవసరమైన పత్రాలు (Documents required for TG EDCET 2026 application)

TG EDCET 2026 అప్లికేషన్ ఫారం నింపేటప్పుడు అభ్యర్థులు ఈ క్రింద తెలిపిన పత్రాలను తప్పనిసరిగా సిద్ధం చేసుకోవాలి.

• తాజా పాస్‌పోర్ట్ సైజ్ ఫోటో (స్కాన్ కాపీ)
• అభ్యర్థి సంతకం (స్కాన్ చేసినది)
• ఆధార్ కార్డు
• పదో తరగతి (SSC) మార్క్స్ మెమో / సర్టిఫికేట్
• ఇంటర్మీడియట్ మార్క్స్ మెమో
• డిగ్రీ (BA / BSc / BCom / ఇతర) అన్ని సంవత్సరాలు లేదా సెమిస్టర్ మార్క్స్ మెమోలు
• డిగ్రీ ప్రొవిజనల్ లేదా ఒరిజినల్ సర్టిఫికేట్
• కాస్ట్ సర్టిఫికెట్ (SC / ST / BC అభ్యర్థులకు)
• ఆదాయ సర్టిఫికేట్ (ఫీజు రీయింబర్స్‌మెంట్ కోరేవారికి)
• లోకల్ స్టేటస్ / నివాస ధృవీకరణ పత్రం
• చెల్లుబాటైన మొబైల్ నంబర్
• యాక్టివ్ ఈమెయిల్ ఐడి
• ఆన్‌లైన్ ఫీజు చెల్లింపుకు డెబిట్/క్రెడిట్ కార్డు లేదా నెట్‌ బ్యాంకింగ్ వివరాలు

ఈ అన్ని పత్రాలు ముందుగా సిద్ధంగా ఉంచుకుంటే TG EDCET 2026 దరఖాస్తు ప్రక్రియను ఎలాంటి ఇబ్బందులు లేకుండా పూర్తిచేయవచ్చు.

TG EDCET 2026 దరఖాస్తుదారుల కోసం ముఖ్యమైన సూచనలు (Important Instructions for TG EDCET 2026 Applicants)

TG EDCET 2026 దరఖాస్తు ప్రక్రియను తప్పులు లేకుండా పూర్తి చేయడానికి అభ్యర్థులు ఈ క్రింది సూచనలను తప్పకుండా పాటించాలి.

• అప్లికేషన్‌లో నమోదు చేసే పేరు, పుట్టిన తేది, తండ్రి/తల్లి పేరు అన్ని సర్టిఫికెట్లతో సరిపోలాలి.
• ఒక్క అభ్యర్థి ఒక్కే అప్లికేషన్ ఫారమ్ మాత్రమే సమర్పించాలి.
• తాజా, స్పష్టమైన ఫోటో మరియు సంతకం మాత్రమే అప్లోడ్ చేయాలి.
• నోటిఫికేషన్‌లో పేర్కొన్న ఫైల్ సైజ్ మరియు ఫార్మాట్ నిబంధనలను తప్పనిసరిగా పాటించాలి.
• కాస్ట్, ఆదాయ సర్టిఫికేట్ వివరాలు జాగ్రత్తగా నమోదు చేయాలి.
• ఫీజు చెల్లింపు పూర్తయేవరకు అప్లికేషన్ సబ్మిట్ అయినట్లుగా భావించాలి.
• చివరి తేదీకి వెయిట్ చేయకుండా ముందుగానే దరఖాస్తు చేయాలి.
• చెల్లుబాటు అయ్యే మొబైల్ నంబర్ మరియు యాక్టివ్ ఇమెయిల్ ఐడి తప్పనిసరిగా ఇవ్వాలి.
• అప్లికేషన్ సబ్మిట్ చేసిన తర్వాత ప్రింట్ కాపీ తీసుకొని భద్రపరచుకోండి.
• అధికారిక వెబ్‌సైట్‌లో వచ్చే అప్‌డేట్స్‌ను తరచుగా చెక్ చేస్తూ ఉండాలి.

TG EDCET 2026 దరఖాస్తు సమర్పించిన తరువాత ఏమి జరుగుతుంది? (What happens after submitting the TG EDCET 2026 application?)

TG EDCET 2026 అప్లికేషన్ విజయవంతంగా సబ్మిట్ చేసిన అభ్యర్థులు తదుపరి దశల గురించి స్పష్టమైన అవగాహన కలిగి ఉండాలి.

• అప్లికేషన్ సబ్మిషన్ తర్వాత కొన్ని రోజుల్లో హాల్ టికెట్ విడుదల చేస్తారు.
• హాల్ టిక్కెట్టును అధికారిక వెబ్‌సైట్‌ నుండి డౌన్‌లోడ్ చేసుకోవాలి.
• హాల్ టికెట్లో పరీక్ష తేదీ, సమయం, పరీక్ష కేంద్రం వివరాలు ఉంటాయి.
• నిర్ణయించిన తేదీన TG EDCET ప్రవేశ పరీక్ష నిర్వహించబడుతుంది.
• పరీక్ష పూర్తైన తర్వాత ప్రాథమిక ఆన్సర్ కీ విడుదల అవుతుంది.
• అభ్యర్థులు తమ సమాధానాలతో ఆన్సర్ కీని పోల్చుకొని చూడవచ్చు.
• తరువాత ఫైనల్ ఫలితాలు మరియు ర్యాంక్ కార్డులు ప్రకటిస్తారు.
• ర్యాంక్ ఆధారంగా కౌన్సెలింగ్ షెడ్యూల్ విడుదల చేయబడుతుంది.
• సర్టిఫికెట్ వెరిఫికేషన్ మరియు సీటు కేటాయింపు ప్రక్రియ జరుగుతుంది.

మొత్తానికి TG EDCET 2026 దరఖాస్తు ప్రక్రియ సక్రమంగా పూర్తి చేయాలంటే అవసరమైన సమాచారం, పత్రాలపై ముందుగానే అవగాహనా ఉండటం చాల ముఖ్యం. సూచనలు పాటించి, డాక్యూమెంట్లు సరిగ్గా సిద్ధం చేసుకుంటే అప్లికేషన్ నుంచి అడ్మిషన్ వరకు సులభంగా సాగుతుంది.