Government Polytechnic for Women, Faridabad me Fashion Designer course admission 2025 kab se shuru honge? Online application form kaise fill karna hai?

Dear Student, 

Government Polytechnic College for Women, Faridabad me Fashion Designing course ke liye admission har saal June-July ke aas paas start hote hain. Admission Haryana State Technical Education Society (HSTES) ke through hota hai. Online application form aap HSTES ki official website par jaake fill kar sakte ho.

Form fill karne ke liye sabse pehle website par register karo, phir apni personal details, 10th class ki marksheet, category certificate (agar applicable ho), aur passport size photo upload karo. Form submit karne ke baad application fee online pay karni hoti hai. Uske baad merit list release hoti hai, jisme se counselling ke through admission hota hai. Exact dates har saal website par notify hoti hain, isliye regular website check karte raho.